श्री हनुमान चालीसा
परिचय
हनुमान चालीसा गोस्वामी तुलसीदास द्वारा अवधी भाषा में रचित भगवान हनुमान की स्तुति है। इसमें ४० चौपाइयाँ और २ दोहे हैं। देवता: हनुमान (शिव के अवतार, राम के परम भक्त)। छन्द: चौपाई। यह भारत का सर्वाधिक पठित स्तोत्र माना जाता है।
महत्त्व — कब पढ़ें
मंगलवार और शनिवार को पाठ विशेष फलदायी है। संकट, भय और रोग-निवारण के लिए नित्य पाठ लाभकारी है। रामनवमी, हनुमान जयंती और नवरात्रि में विशेष रूप से पाठनीय।
स्रोत — गोस्वामी तुलसीदास विरचित
दोहा
श्रीगुरु चरन सरोज रज निज मनु मुकुरु सुधारि ।
बरनऊँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवनकुमार ।
बल बुद्धि बिद्या देहु मोहिं हरहु कलेस बिकार ॥
चौपाई
जय हनुमान ज्ञान गुन सागर ।
जय कपीस तिहुँ लोक उजागर ॥
राम दूत अतुलित बल धामा ।
अंजनिपुत्र पवनसुत नामा ॥
महाबीर बिक्रम बजरंगी ।
कुमति निवार सुमति के संगी ॥
कंचन बरन बिराज सुबेसा ।
कानन कुंडल कुंचित केसा ॥
हाथ बज्र औ ध्वजा बिराजै ।
काँधे मूँज जनेऊ साजै ॥
संकर सुवन केसरी नंदन ।
तेज प्रताप महा जग बंदन ॥
विद्यावान गुनी अति चातुर ।
राम काज करिबे को आतुर ॥
प्रभु चरित्र सुनिबे को रसिया ।
राम लखन सीता मन बसिया ॥
सूक्ष्म रूप धरि सियहिं दिखावा ।
बिकट रूप धरि लंक जरावा ॥
भीम रूप धरि असुर सँहारे ।
रामचंद्र के काज सँवारे ॥
लाय सजीवन लखन जियाये ।
श्रीरघुबीर हरषि उर लाये ॥
रघुपति कीन्ही बहुत बड़ाई ।
तुम मम प्रिय भरतहि सम भाई ॥
सहस बदन तुम्हरो जस गावैं ।
अस कहि श्रीपति कंठ लगावैं ॥
सनकादिक ब्रह्मादि मुनीसा ।
नारद सारद सहित अहीसा ॥
जम कुबेर दिगपाल जहाँ ते ।
कबि कोबिद कहि सके कहाँ ते ॥
तुम उपकार सुग्रीवहिं कीन्हा ।
राम मिलाय राज पद दीन्हा ॥
तुम्हरो मंत्र बिभीषन माना ।
लंकेश्वर भए सब जग जाना ॥
जुग सहस्र जोजन पर भानू ।
लील्यो ताहि मधुर फल जानू ॥
प्रभु मुद्रिका मेलि मुख माहीं ।
जलधि लाँघि गये अचरज नाहीं ॥
दुर्गम काज जगत के जेते ।
सुगम अनुग्रह तुम्हरे तेते ॥
राम दुआरे तुम रखवारे ।
होत न आज्ञा बिनु पैसारे ॥
सब सुख लहै तुम्हारी सरना ।
तुम रच्छक काहू को डर ना ॥
आपन तेज संहारो आपै ।
तीनों लोक हाँक तें काँपै ॥
भूत पिसाच निकट नहिं आवै ।
महाबीर जब नाम सुनावै ॥
नासै रोग हरै सब पीरा ।
जपत निरंतर हनुमत बीरा ॥
संकट तें हनुमान छुड़ावै ।
मन क्रम बचन ध्यान जो लावै ॥
सब पर राम तपस्वी राजा ।
तिन के काज सकल तुम साजा ॥
और मनोरथ जो कोई लावै ।
सोई अमित जीवन फल पावै ॥
चारों जुग परताप तुम्हारा ।
है परसिद्ध जगत उजियारा ॥
साधु संत के तुम रखवारे ।
असुर निकंदन राम दुलारे ॥
अष्ट सिद्धि नौ निधि के दाता ।
अस बर दीन जानकी माता ॥
राम रसायन तुम्हरे पासा ।
सदा रहो रघुपति के दासा ॥
तुम्हरे भजन राम को पावै ।
जनम जनम के दुख बिसरावै ॥
अंत काल रघुबर पुर जाई ।
जहाँ जन्म हरिभक्त कहाई ॥
और देवता चित्त न धरई ।
हनुमत सेई सर्ब सुख करई ॥
संकट कटै मिटै सब पीरा ॥
जो सुमिरै हनुमत बलबीरा ॥
जै जै जै हनुमान गोसाईं ।
कृपा करहु गुरु देव की नाईं ॥
जो सत बार पाठ कर कोई ।
छूटहि बंदि महा सुख होई ॥
जो यह पढ़ै हनुमान चलीसा ।
होय सिद्धि साखी गौरीसा ॥
तुलसीदास सदा हरि चेरा ।
कीजै नाथ हृदय महँ डेरा ॥
दोहा
पवनतनय संकट हरन मंगल मूरति रूप ।
राम लखन सीता सहित हृदय बसहु सुर भूप ॥
Introduction
The Hanumān Cālīsā is a forty-verse devotional hymn composed by Gosvāmī Tulsīdāsa in Avadhi. It describes the glory, virtues, and deeds of Hanumān — the devoted servant of Rāma and son of the wind god. The chandas is Caupāī. It is the most widely recited stotra in India.
Significance & When to Recite
Especially auspicious on Tuesdays and Saturdays. Daily recitation is recommended for protection from fear, disease, and adversity. Particularly significant on Rāma Navamī, Hanumān Jayantī, and during Navarātri.
Source — Gosvāmī Tulsīdāsa
Doha
śrī-guru carana saroja raja nija manu mukuru sudhāri ।
baranaũ raghuvara bimala jasu jo dāyaku phala cāri ॥
buddhihīna tanu jānikē sumiraũ pavana-kumāra ।
bala buddhi vidyā dēhu mōhiṃ harahu kalēsa vikāra ॥
Chaupaī
jaya hanumāna jñāna guṇa sāgara ।
jaya kapīśa tihũ loka ujāgara ॥
rāma dūta atulita bala dhāmā ।
añjaniputra pavanasuta nāmā ॥
mahāvīra bikrama bajaraṅgī ।
kumati nivāra sumati ke saṅgī ॥
kañcana barana birāja subesā ।
kānana kuṇḍala kuñcita kesā ॥
hātha vajra au dhvajā birājai ।
kāndhe mū̃ja janeū sājai ॥
śaṅkara suvana kesarīnandana ।
teja pratāpa mahā jaga vandana ॥
vidyāvāna guṇī ati cātura ।
rāma kāja karibe ko ātura ॥
prabhu caritra sunibe ko rasiyā ।
rāma lakhana sītā mana basiyā ॥
sūkṣma rūpa dhari siyahiṃ dikhāvā ।
bikaṭa rūpa dhari laṅka jarāvā ॥
bhīma rūpa dhari asura saṅhāre ।
rāmacandra ke kāja saṅvāre ॥
lāya sajīvana lakhana jiyāye ।
śrī-raghubīra haraṣi ura lāye ॥
raghupati kīnhī bahuta baṛāī ।
tuma mama priya bharatahi sama bhāī ॥
sahasa badana tumharo jasa gāvaiṃ ।
asa kahi śrīpati kaṇṭha lagāvaiṃ ॥
sanakādika brahmādi munīsā ।
nārada sāradā sahita ahīsā ॥
yama kubera digapāla jahā̃ te ।
kavi kovida kahi sake kahā̃ te ॥
tuma upakāra sugrīvahiṃ kīnhā ।
rāma milāya rāja pada dīnhā ॥
tumharo mantra vibhīṣaṇa mānā ।
laṅkeśvara bhaye saba jaga jānā ॥
yuga sahasra jojana para bhānū ।
līlyo tāhi madhura phala jānū ॥
prabhu mudrikā meli mukha māhīṃ ।
jaladhi lāṅghi gaye acaraja nāhīṃ ॥
durgama kāja jagata ke jete ।
sugama anugraha tumhare tete ॥
rāma duāre tuma rakhavāre ।
hota na ājñā binu paisāre ॥
saba sukha lahai tumhārī saranā ।
tuma rakṣaka kāhū ko ḍaranā ॥
āpana teja samhāro āpai ।
tīnoṃ loka hāṅka teṃ kāṃpai ॥
bhūta piśāca nikaṭa nahiṃ āvai ।
mahāvīra jaba nāma sunāvai ॥
nāsai roga harai saba pīrā ।
japata nirantara hanumata bīrā ॥
saṅkaṭa teṃ hanumāna chuḍāvai ।
mana krama bacana dhyāna jo lāvai ॥
saba para rāma tapasvī rājā ।
tina ke kāja sakala tuma sājā ॥
aura manoratha jo koī lāvai ।
soī amita jīvana phala pāvai ॥
cāroṃ yuga paratāpa tumhārā ।
hai parasiddha jagata ujiyārā ॥
sādhu santa ke tuma rakhavāre ।
asura nikandana rāma dulāre ॥
aṣṭa siddhi nava nidhi ke dātā ।
asa bara dīna jānaki mātā ॥
rāma rasāyana tumhare pāsā ।
sadā raho raghupati ke dāsā ॥
tumhare bhajana rāma ko pāvai ।
janama janama ke dukha bisarāvai ॥
anta kāla raghubara pura jāī ।
jahā̃ janma haribhakta kahāī ॥
aura devatā citta na dharaī ।
hanumata seī sarva sukha karaī ॥
saṅkaṭa kaṭai miṭai saba pīrā ।
jo sumirai hanumata balabīrā ॥
jai jai jai hanumāna gosāīṃ ।
kṛpā karahu guru deva kī nāīṃ ॥
jo sata bāra pāṭha kara koī ।
chūṭahi bandi mahā sukha hoī ॥
jo yaha paṛhai hanumāna cālīsā ।
hoya siddhi sākhī gaurīsā ॥
tulasīdāsa sadā hari cerā ।
kījai nātha hṛdaya mahaṃ ḍerā ॥
Doha
pavana-tanaya saṅkaṭa harana maṅgala mūrati rūpa ।
rāma lakhana sītā sahita hṛdaya basahu sura bhūpa ॥